📢 Samarqand shahar ma’muriy-hududiy chegaralarini kengaytirish bo‘yicha komissiya xulosasi e’lon qilindi.

Xalq deputatlari Samarqand shahar Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi raisi N.Bagirov tomonidan Samarqand shahar chegaralarini kengaytirish masalasi bo‘yicha o‘rganishlar yakunlandi.

🔎 O‘rganish natijalariga ko‘ra:

• Shahar hududi 11,8 ming gektardan 28,9 ming gektarga, ya’ni 17 651 gektarga kengayishi belgilangan.

• Aholi soni 604 ming nafardan 882 ming nafarga yetishi prognoz qilingan.

Bu kengayish turistik, iqtisodiy va infratuzilma loyihalarini joylashtirish uchun keng imkoniyat yaratadi.

🏗 Rejalashtirilayotgan yirik loyihalar:

• Disney-land – 20 mln dollar / 450 ish o‘rni

• Kazino – 15 mln dollar / 75 ish o‘rni

• Golf maydoni – 40 mln dollar / 40 ish o‘rni

• Ralli va karting markazi – 10 mln dollar / 200 ish o‘rni

• Akva-park va rafting hududi – 3 mln dollar / 150 ish o‘rni

• Havo sharlarida, paroplan va deltaplanda parvoz hududi – 3 mln dollar / 80 ish o‘rni

Ushbu loyihalar shahar turizmini rivojlantirish, yangi ish o‘rinlari yaratish va iqtisodiy faollikni oshirishga xizmat qiladi.

📝 Komissiya xulosasi:

Doimiy komissiya raisi N.Bagirov ta’kidlaganidek, keltirilgan ma’lumotlar asosida:

➡️ Samarqand shahar ma’muriy-hududiy chegaralarini kengaytirish taklifi maqsadga muvofiq deb topildi.

➡️ Masalani shahar Kengashi sessiyasida ko‘rib chiqish va tasdiqlash uchun tavsiya etildi.