“Yuqori
archa” mahallasida ochiq muloqot — aholi muammolarini kechiktirmasdan hal etish
uchun qat’iy vazifalar belgilab, aniq mas’uliyat yuklatildi 

Farg‘ona
tuman Kengashi deputati Baxodir Axmadjonov mahalla yettiligi bilan hamkorlikda
“Pastki archa” mahallasida aholi bilan ochiq muloqot o‘tkazdi. Uchrashuvda mahalla
yettiligi tomonidan amalga oshirilgan ishlar yuzasidan to‘g‘ridan-to‘g‘ri va xolis
hisobotlar tinglandi. Eng muhim — aholini bezovta qilayotgan dolzarb muammolar aniq
belgilandi va ularni hozirgi sharoitda kechiktirish mumkin emasligi qat’iy ta’kidlandi. 

Muloqot davomida hokim yordamchisining faoliyati
tanqidiy tahlil qilindi. Aholini kambag‘allikdan chiqarish, oilalar daromadini oshirish
va barqaror ish o‘rinlari yaratish bo‘yicha amalga oshirilayotgan ishlar qayta baholanib,
natija bermayotgan yo‘nalishlar keskin isloh qilish vazifasi qo‘yildi. 

Shu bilan birga, mahallaning infratuzilmasini
yaxshilash bo‘yicha dolzarb masalalar — ichimlik suvi, yo‘llar, elektr ta’minoti,
hudud xavfsizligi kabi yo‘nalishlarda aniq va amaliy takliflar ishlab chiqildi.
“Yashil makon” loyihasi doirasida obodonlashtirish ishlarini tezkorlashtirish bo‘yicha
mas’ullarga tayin vazifalar yuklatildi. 

Mazkur takliflarni hududiy ijtimoiy-iqtisodiy
rivojlantirish dasturiga kiritish bo‘yicha ikki tomonlama kelishuvga erishilib,
har bir vazifa bo‘yicha ijro muddatlari belgilab qo‘yildi. 

Ochiq muloqot mahalla hayotidagi eng
o‘tkir muammolarni ochiq va tamoman amaliy yondashuvda muhokama qilish, ularga tezkor
yechim topish va jamoatchilikning faol ishtirokini ta’minlashda muhim qadam bo‘ldi.