Deputatlar yoshlar ta’limi uchun yaratilgan
sharoitlar bilan tanishdilar 

Yoshlar kelajagi — mamlakat kelajagi! Shu maqsadda
xalq vakillari ta’lim muassasalaridagi holatni doimiy nazoratda ushlab kelmoqda. 

O‘zbekiston Respublikasi Oliy Majlisi
Qonunchilik palatasi deputati Ziyodbek Yunusov, Xalq deputatlari Farg‘ona
tuman Kengashi deputatlari Ozodaxon Dadajonova va Shuxratjon Raximov,
shuningdek, O‘zbekiston “Adolat” sotsial-demokratik partiyasi Farg‘ona tuman Kengashi
raisi Nodirbek Karimovlar Farg‘ona tumani Mehnatobod mahallasidagi 1-son
Politexnikumda bo‘lib, muassasaning kuz–qish mavsumiga tayyorgarlik jarayonlari
va o‘quvchilar uchun yaratilgan imkoniyatlar bilan yaqindan tanishdilar. 

1979-yilda qurilgan, 2004-yilda qayta ta’mirlangan
ushbu Politexnikum bugungi kunda 634 nafar o‘quvchiga bilim va kasb o‘rgatmoqda.
600 o‘ringa mo‘ljallangan bo‘lishiga qaramasdan, ta’lim jarayonlari samarali tashkil
etilgan. 

Muassasadagi 6 ta isitish qozoni
soz holda ishlamoqda, muhandislik infratuzilmasi to‘liq faoliyat yuritmoqda. Shu
bilan birga, ayrim binolar joriy ta’mirga muhtojligi ham deputatlar diqqat
markazida bo‘ldi. 

Deputatlar yoshlar ta’limi uchun qulay,
xavfsiz va zamonaviy muhit yaratish bo‘yicha amaliy tavsiya va takliflarni
bildirdi. 

Ta’lim — taraqqiyot poydevori, yoshlar
— kelajak kuchidir!