Kambag‘allikdan farovonlik sari: Popda bo‘sh ish o‘rinlari mehnat yarmarkasi o‘tkazildi

Pop tumanining “Anhor” MFY hududida joylashgan “Shofirkon Ekvatorial Teks” MCHJ binosida bitiruvchi yoshlarning bandligini ta’minlash, ularni doimiy ish o‘rinlariga yo‘naltirish maqsadida “Bo‘sh ish o‘rinlari mehnat yarmarkasi” tashkil etildi.

Unda tuman Kengashi deputati, tuman hokimi G‘ulomjon Murodxo‘jayev boshchiligidagi sektor rahbarlari, viloyat soliq boshqarmasi boshlig‘i, korxona va tashkilotlar vakillari hamda ish izlayotgan yoshlar ishtirok etdi. Mehnat yarmarkasi davomida 20 ta korxona va tashkilot tomonidan 500 dan ortiq bo‘sh ish o‘rinlari taklif etildi.

Yoshlar o‘z mutaxassisligi va qiziqishlariga mos ish o‘rinlari bilan tanishib, ish beruvchilar bilan bevosita suhbatlashish imkoniyatiga ega bo‘ldi.Tadbir yakunida 18 nafar yigit-qizning bandligi ta’minlanib, ularga doimiy ishga qabul qilish bo‘yicha tegishli hujjatlar rasmiylashtirildi.