Mazkur tadbir 32-Yangibozor saylov okrugidan saylangan viloyat Kengashi deputati S.Astanaqulov okrugiga qarashli tumandagi "Bobur" mahallasida amalga oshirildi. Unda xalq deputatlari viloyat Kengashi kotibiyat mudiri Sh.Boyqulov, Hududiy saylov komissiyasi raisi o‘rinbosari X.Samatov hamda mahalla mas'ullari ishtirok etdi.

O‘rganishlar davomida eski 2 qavatli hamda yangi qurilgan ko'p qavatli uylar sifati, yerto'la qismlari, yaratilgan sharoitlar ko'zdan kechirildi. Deputat tashabbusi bilan tashkil etilgan chiqindi tashlash joylari holati va mahalladagi obodonlashtirish ishlari ko'zdan kechirildi.

Bundan tashqari, o'rganishlar davomida mahalla to'liq kameralashtirilganligi, ko'p qavatli uylarga kirish eshiklari kodlik qulflar bilan o'rnatilganligi hamda 4 yildan buyon qurilishi tuxtab qolgan binoda ishlar boshlanganligi ma'lum bo'ldi.  

Shuningdek, mahalla yettiligi faoliyati o'rganildi. Mahalla mas'ullari ish faoliyati va hujjatlari ko'zdan kechirildi. Mahalladagi mavjud kamchiliklarni bartaraf etish va o'z vaqtida yechim qilish bo'yicha kelishib olindi.