Olmaliq shahrida ta'lim muassasalarining yangi oʻquv yili hamda kuz-qish mavsumiga tayyorgarlik holati doimiy deputatlik nazoratida.
Olmaliq shahar "Tinchlik" mahallasi hududida joylashgan 12-sonli umumta'lim maktabida uzoq vaqtdan buyon yechimini kutayotgan oqova suv (kanalizatsiya) quvuridagi muammo Xalq deputatlari shahar Kengashi deputati Abdujabbor Djurayevning doimiy e'tiborida boʻlib kelmoqda.

Shahar hokimi oʻrinbosari nomiga yuborilgan deputatlik soʻrovi hamda amaliy sa'y-harakatlar natijasida ushbu ta'lim maskanida oqova suv tizimini mukammal ta'mirlash va qayta tiklash ishlari jadal sur'atlarda olib borilmoqda.
Bugun deputat A.Djurayev bevosita voqea joyida boʻlib, amalga oshirilayotgan ta'mirlash va qurilish jarayonlarini koʻzdan kechirdi. Oʻrganishlar davomida:
💧 Oqova suv tizimi: Ta'mirlash ishlari qat'iy reja asosida ketayotgani va obyekt yangi 2024–2025-oʻquv yili boshlangunga qadar toʻliq foydalanishga topshirilishi belgilab olindi.
❄️ Kuz-qish mavsumiga tayyorgarlik: Maktabning isitish tizimi va isitish qozonlarining sozligi mas'ullar va mutaxassislar ishtirokida atroflicha koʻrib chiqildi.
🔍 Natija va topsiriqlar: Oʻrganishlar davomida aniqlangan ba'zi texnik kamchiliklarni tezkor bartaraf etish boʻyicha soha mas'ullariga aniq tavsiya va koʻrsatmalar berildi. Bildirilgan takliflar ijrosi deputat nazoratiga olindi.

"Oʻquvchilarimiz uchun munosib, xavfsiz va issiq sharoitlarni yaratish — eng ustuvor vazifamizdir."

Bizni kuzatib boring! Saylovchilar manfaatini himoya qilish borasidagi amaliy ishlar davom etadi.