Xalq deputatlari Ishtixon tumani Kengashi deputati A.Rabbimov Zarbuloq mahalla fuqarolar yig‘ini hududida amalga oshirilayotgan ichki yo‘llarni joriy ta’mirlash ishlari bilan joyida tanishdi.

Loyihaga ko‘ra, mahalla hududidagi 1,529 km ichki yo‘l ta’mirlanishi belgilangan bo‘lib, bugungi kunda yo‘lning asos qismini tekislash, shag‘al yotqizish va maxsus texnikalar yordamida zichlash ishlari olib borilmoqda.

Mazkur loyiha uchun 730 359 088,95 so‘m mablag‘ ajratilgan bo‘lib, qurilish-ta’mirlash ishlari “ZUXAYIL DOVUR” MCHJ tomonidan bajarilmoqda.

Deputat o‘rganish davomida ishlarning sifati, belgilangan muddatlarda bajarilishi hamda aholi uchun yaratilayotgan qulayliklarga alohida e’tibor qaratdi. Shuningdek, mas’ullarga yo‘l ta’miri ishlarini sifatli va o‘z vaqtida yakunlash yuzasidan tegishli tavsiyalar berildi.

Ushbu yo‘lning ta’mirlanishi Zarbuloq mahalla fuqarolar yig‘ini aholisining kundalik qatnovi uchun qulaylik yaratish, transport harakatini yaxshilash va hudud infratuzilmasini rivojlantirishga xizmat qiladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)