✅Xalq deputatlari Uzun tumani Kengashi deputati S.Toxirov hamda xalq deputatlari tuman Kengashi kotibiyat bosh mutaxassisi Sh.Ergashevalar tumandagi “Yangi ro‘zg‘or” mahallasiga tashrif buyurdi. Tashrif davomida deputat mahallada hokim yordamchisi tomonidan olib borilayotgan ishlar bilan yaqindan tanishdi.

🔘Xususan, hududda tadbirkorlikni rivojlantirish, aholi bandligini ta’minlash hamda kambag‘allikni qisqartirish yo‘nalishida amalga oshirilayotgan chora-tadbirlar o‘rganildi. Shu bilan birga, aholining tomorqalardan samarali foydalanish holati hamda imtiyozli kreditlar asosida chorvachilik faoliyati bilan shug‘ullanayotgan tadbirkorlar faoliyati bilan yaqindan tanishildi.

🔘Shuningdek, mavjud imkoniyatlardan samarali foydalanish, yangi ish o‘rinlari yaratish va aholining daromad manbalarini oshirish borasidagi ishlar tahlil qilindi.

🛜O‘rganish jarayonida aniqlangan masalalar yuzasidan tegishli tavsiyalar berildi hamda bu boradagi ishlarni yanada kuchaytirish lozimligi ta’kidlandi.