Bunyodkorlik va taraqqiyot yo‘lidagi Oltiariq

(tumanda amalga oshirilayotgan islohotlarga munosabat)


 

Bugun mamlakatimizda Prezidentimiz rahnamoligida amalga oshirilayotgan keng ko‘lamli islohotlar va bunyodkorlik ishlari har bir hudud qiyofasida o‘zining yorqin ifodasini topmoqda. Aholi turmush farovonligini yuksaltirish, zamonaviy ta’lim va tibbiyot muassasalarini barpo etish, infratuzilmani rivojlantirish, energiya samaradorligini oshirish hamda mahallalarni obod va fayzli maskanlarga aylantirish borasida amalga oshirilayotgan ishlar xalqimiz uchun yaratilayotgan ulkan imkoniyatlarning amaliy natijasidir. Farg‘ona viloyatining Oltiariq tumanida ham O‘zbekiston Respublikasi Prezidentining qarorlari asosida keng ko‘lamli qurilish, rekonstruksiya va obodonlashtirish ishlari izchil davom etmoqda. Bu ishlar tuman aholisining hayot sifatini yaxshilash, yoshlarga munosib ta’lim olish sharoitlarini yaratish hamda hududlarning zamonaviy qiyofasini shakllantirishga xizmat qilmoqda.