Mazkur seminar Surxondaryo viloyati hokimi U.B. Qosimov, “Turonbank” ATB Boshqaruv raisi Ch.S. Mirzayev hamda Kambag‘allikni qisqartirish va bandlik boshqarmasi tashabbusi bilan o‘tkazildi.

Unda viloyatdagi barcha tuman hokimlari, tegishli tashkilotlar vakillari hamda ilmiy-amaliy faoliyat bilan shug‘ullanuvchi mutaxassislar ishtirok etdi. 

Tadbir davomida limonchilikni rivojlantirishning istiqbollari, intensiv usullar asosida yuqori hosildorlikka erishish, ilg‘or tajribalarni joriy etish hamda sohada kooperatsiyani kengaytirish masalalari muhokama qilindi. 

Shuningdek, O‘zbekiston Respublikasi Prezidentining 2025-yil 14-fevraldagi PQ-57-son qarori ijrosini ta’minlash doirasida Xalq deputatlari Oltinsoy tumani Kengashi raisi Turdiyev Akrom Abdimuratovich tomonidan tumanda amalga oshirilayotgan ishlar yuzasidan ma’lumotlar berildi. Mazkur yo‘nalishda limonchilikni rivojlantirish, zamonaviy agrotexnologiyalarni keng joriy etish, eksportbop mahsulotlar yetishtirish hajmini oshirish hamda aholini bandligini ta’minlashga alohida e’tibor qaratilayotgani ta’kidlandi. 

Seminar yakunida sohani yanada rivojlantirish bo‘yicha aniq taklif va tavsiyalar ishlab chiqildi.