Xalq deputatlari Pastdarg'om tuman Kengashi deputati A. Abdumuratov tomonidan hududida joylashgan Sog‘liqni saqlash vazirligiga qarashli Jamoat salomatligi texnikumi talabalari yotoqxonasining holati o‘rganildi.

O‘rganish jarayonida yotoqxonaning yashash sharoitlari, sanitariya-gigiyena talablari, isitish tizimi, ichimlik suvi, elektr ta’minoti hamda talabalar uchun yaratilgan shart-sharoitlar atroflicha ko‘zdan kechirildi.

Shuningdek, talabalar bilan muloqot o‘tkazilib, ularning yashash sharoitlari, mavjud muammolar va takliflari tinglandi. Aniqlangan kamchiliklarni bartaraf etish, yotoqxonada yashash sharoitlarini yaxshilash hamda zarur infratuzilmani mustahkamlash yuzasidan tegishli tavsiyalar berildi.

Mazkur o‘rganish yoshlar uchun munosib sharoitlar yaratish, ularning ta’lim olish jarayonini qo‘llab-quvvatlash hamda ijtimoiy himoyasini kuchaytirishga xizmat qiladi.