Xalq deputatlari Pastdarg‘om tuman Kengashi deputati G.Xoliqulova tomonidan Quyi Darg‘om mahallasida faoliyat yuritayotgan ijtimoiy xodimning ish faoliyati o‘rganildi.

O‘rganish jarayonida mahalladagi ehtiyojmand oilalar, nogironligi bo‘lgan shaxslar, yolg‘iz keksalar hamda ijtimoiy himoyaga muhtoj fuqarolar bilan olib borilayotgan ishlar tahlil qilindi. Shuningdek, ijtimoiy xizmatlarning manzilliligi va samaradorligiga alohida e’tibor qaratildi.

Deputat fuqarolar bilan bevosita muloqot o‘tkazib, ularning muammo va takliflarini tingladi. Aniqlangan kamchiliklarni bartaraf etish, ijtimoiy xizmatlar sifatini oshirish hamda yordamga muhtoj aholi qatlamini yanada kengroq qamrab olish yuzasidan tegishli tavsiyalar berildi.

Mazkur o‘rganishlar hududlarda ijtimoiy himoya tizimini takomillashtirish va aholining turmush darajasini yaxshilashga xizmat qiladi.