Uchtepa MFYda yoshlar bilan ishlash tizimi izchil yo‘lga qo‘yilgan bo‘lib, xalq deputatlari Pastdarg‘om tuman Kengashi deputati D.Tuychiyeva tomonidan yoshlar yetakchisining faoliyati o‘rganildi. Mahallada 14–30 yosh toifasidagi jami 1065 nafar yosh mavjud bo‘lib, ularning 80 foizi turli yo‘nalishlarda faol ishtirok etmoqda.

Sport yo‘nalishida ham salmoqli yutuqlar qo‘lga kiritilgan. Shashka musobaqasida viloyat bosqichida 3-o‘rin, futbol bo‘yicha sektorda 2-o‘rin egallangan. Mahallada har yili futbol va voleybol bo‘yicha musobaqa tashkil etilib, unda 400dan ortiq yoshlar faol qatnashmoqda.

Bandlik masalasida ham ijobiy natija bor. Joriy yil boshida aniqlangan 5 nafar ishsiz yosh rahbarga biriktirilib, muammosi bilan individual ishlash yo‘lga qo‘yildi.Natijada 2 nafari tartibli migratsiya orqali qonuniy ish bilan ta’minlandi,1 nafariga imtiyozli kredit ajratildi.Qolgan 2 nafar yoshni ishga joylashtirish bo‘yicha ishlar davom etmoqda.