O‘z saylov okrugida aholi salomatligi bilan bog‘liq masalalarga alohida e’tibor qaratayotgan xalq deputatlari Pastdarg‘om tuman Kengashi deputati O‘.Shukurov hududidagi dorixonalar faoliyatini o‘rgandi. O‘rganish davomida dori-darmonlar mavjudligi, narx-navo asosliligi, xizmat ko‘rsatish sifati, farmatsevt malakasi tahlil qilindi.

Deputat dorixonada fuqarolar uchun yaratilgan sharoitlar, jumladan, nogironligi bo‘lgan shaxslar uchun qulayliklar,navbat tizimi va maslahat berish jarayonlariga ham alohida e’tibor qaratdi. Ayrim dorixonalarda aniqlangan kamchilik yuzasidan mutasaddilarga tegishli ko‘rsatmalar berildi.

Aholi bilan muloqot o‘tkazilib, dori ta’minoti va xizmat sifati bo‘yicha fikr-mulohazalari tinglandi. Bildirilgan takliflar asosida dorixonalar faoliyatini yaxshilash bo‘yicha chora-tadbirlar belgilandi.

Deputatning ta’kidlashicha dori vositalariga bo‘lgan ehtiyojini ta’minlash doimiy nazoratda bo‘ladi.