Xalq deputatlari Pastdarg‘om tuman Kengashi kotibiyat mudiri F. Xolmuratova o‘z saylov okrugidagi Po‘latchi mahallasida ijtimoiy xodim faoliyatini o‘rgandi. Tashrif davomida boquvchisi yo‘q, yolg‘iz yashaydigan hamda parvarishga muhtoj keksalar holidan xabar olindi.

Shu jumladan, yolg‘iz keksalar ro‘yxatiga kiritilgan Sabohat Sadinova bilan samimiy suhbat o‘tkazildi. U har seshanba kuni davlat tomonidan biriktirilgan ijtimoiy assistent Dilshoda tomonidan ko‘rsatilayotgan maishiy xizmatlardan mamnun ekanini bildirdi. Xususan, uy yumushlarida ko‘mak berilayotgani – kir yuvish, uy tozalash ishlari muntazam yo‘lga qo‘yilgani uning minnatdorchiligiga sabab bo‘lmoqda.

Shuningdek, patrоnaj hamshira tomonidan har oyda bir marotaba holidan xabar olinayotgani ham qayd etildi.

Bunday e’tibor va g‘amxo‘rlik – inson qadri ulug‘lanayotganining yana bir yorqin ifodasidir.