Xalq deputatlari Zarbdor tuman Kengashiga 3-Yangiobod saylov okrugidan saylangan deputat M.Gaipov tomonidan Yangiobod mahallasida boquvchisini yo‘qotgan, kam ta’minlangan oilalar holati o‘rganildi.
O‘rganish jarayonida mazkur toifadagi oilalarning yashash sharoiti bilan yaqindan tanishilib, ularni ijtimoiy qo‘llab-quvvatlash masalalariga alohida e’tibor qaratildi.
Shuningdek, hududda yashovchi boquvchisini yo‘qotgan fuqaroning murojaati asosida, uning “Ayollar daftari”ga kiritilmaganligi aniqlanib, mahalla yettiligi ishtirokida joyiga chiqib o‘rganildi. Natijada deputat tashabbusi bilan fuqaro belgilangan tartibda “Ayollar daftari”ga kiritildi.
Mazkur ishlar ijtimoiy himoyaga muhtoj fuqarolarni qo‘llab-quvvatlash hamda ularning muammolarini manzilli hal etishga xizmat qilishi ta’kidlandi.