Deputat hududida o‘rganishlar olib bordi 

Xalq deputatlari Quva tuman Kengashining 15-M.Xasanov saylov okrugidan saylangan
deputati B.Sharipov hamda tuman Kengashi bosh mutaxassisi M.To‘xtasinovlar
Madaniyat mahalla fuqarolar yig‘ini hududida bo‘lib, mahallada amalga
oshirilayotgan ishlar, aholi turmush sharoiti va tadbirkorlik faoliyati bilan
yaqindan tanishdilar. 

Tashrif davomida ular mahalladagi hokim yordamchisi A.Abbazov tomonidan xizmat
vazifalarini bajarish masalalariga alohida e’tibor qaratdilar hamda hududda
tadbirkorlik faoliyatini yuritayotgan M.Umirzaqov tomonidan tashkil etilgan
sovutgichli issiqxona hamda M.Egamberdiev urodjonga qarashli karam va gul
yetishtirishga mo‘ljallangan issiqxonalar faoliyatini ko‘zdan kechirdilar. 

Mutasaddilar mazkur issiqxonalarda qo‘llanilayotgan zamonaviy agrotexnologiyalar, mahsulot
yetishtirish jarayonlari, ish o‘rinlari yaratilishi va mahalliy aholi
daromadlarini oshirishdagi ahamiyatini alohida ta’kidladilar. Shuningdek,
tadbirkorlar bilan muloqot qilib, ularning muammo va takliflarini tingladilar
hamda faoliyatni yanada rivojlantirish bo‘yicha zarur tavsiyalar berdilar. 

Uchrashuv davomida mahallada tadbirkorlikni qo‘llab-quvvatlash, yangi ish o‘rinlari
yaratish va aholi farovonligini oshirishga qaratilgan ishlar izchil davom
ettirish, ilg‘or tajribani ommalashtirish zarurligi qayd etildi.