DEPUTAT SO‘ROVI YUBORILDI 

Tuman Kengashi deputati Dilfuza Egamqulova tomonidan qonunchilikka muvofiq, tuman hokimi Xusnitdin Yaxshilikovich nomiga deputatlik so‘rovi yuborildi.  

So‘rovda ko‘tarilgan masala: 

Oqoltin tuman A.Navoiy MFY 7-sonli bolalar musiqa va san’at maktabida tahsil olayotgan yoshlar uchun milliy cholg‘u asboblari doira, afg‘on rubob, qashqar rubob hamda raqs liboslari mavjud emas. Bu o‘z navbatida o‘quv mashg‘ulotlarini va madaniy tadbirlarni sifatli va yuqori saviyada tashkil etishga to‘siq bo‘lmoqda. Su bois ushbu maktabga 4 ta doira, 2 ta avg‘on rubob, 2 ta qashqar rubob hamda raqs liboslari bilan ta’minlash zarur. 

Masalalarni mutaxassislar ishtirokida o‘rganib, ijobiy hal etish hamda 10 kun ichida yozma javob taqdim etish talab etildi.