📌 Deputatlik nazorati

Xalq deputatlari Sherobod tumani Kengashining 10-Chag‘atoy saylov okrugidan saylangan deputati Q. Raxamov tomonidan navbatdagi deputatlik nazorati amalga oshirildi.

Mazkur nazorat tadbiri doirasida D-164 Sherobod shahri – Surxon temir yo‘l stansiyasiga olib boruvchi avtomobil yo‘lining ta’mirtalab holga kelgan qismi o‘rganildi. O‘rganish jarayonida yo‘l qoplamasining ta’mir talab ahvolda ekanligi, transport qatnovi uchun noqulayliklar yuzaga kelayotgani hamda fuqarolar tomonidan ushbu masala yuzasidan murojaatlar mavjudligi aniqlandi.

Deputat tomonidan mas’ul tashkilotlar vakillari ishtirokida muammoni bartaraf etish, yo‘lning zararlangan qismini qisqa muddatlarda ta’mirlash hamda sifatli va xavfsiz harakatni ta’minlash bo‘yicha tegishli tavsiyalar berildi.