Tadbirda xalq deputatlari Jarqo'rg'on tumani Kengashi kotibiyati mudiri A.Samanov, kotibiyat mutaxassisi T.Rajabov va viloyat, tuman va shahar Kengashlari kotibiyatlari mudirlari hamda ijtimoiy tarmoqlar uchun mas’ul mutaxassislar ishtirok etdilar.

Seminar ishtirokchilari ijtimoiy tarmoqlarda sifatli kontent yaratish va jamoatchilik fikrini tahlil qilish yuzasidan o‘zaro tajriba almashdilar.

Shuningdek, deputatlik faoliyati, sessiyalar va doimiy komissiyalar ishlarini mazmunli hamda tizimli yoritish bo‘yicha amaliy tavsiyalar berildi.

Ushbu seminar mahalliy Kengashlar faoliyatidagi yopiqlik elementlarini bartaraf etish va ijtimoiy tarmoqlarni chinakam "xalq nazorati" maydoniga aylantirish yo‘lidagi muhim qadam bo‘ldi.

Mazkur trening yakunida mahalliy Kengashlar faoliyatini raqamlashtirish va ijtimoiy tarmoqlarda tizimli yoritish bo‘yicha aniq tavsiyalar ishlab chiqildi.