Oʻzbekiston Adolat SDPnıń Xalıq deputatları Taxtakópir rayonlıq Keńesindegi deputatlıq toparı deputatları tárepinen rayonlıq medicina birlespesine qaraslı tuwıw bóliminde korrupciya jaǵdaylarınıń aldın alıw, medicinalıq xızmetler kórsetiw procesinde ashıq-aydınlıqtı támiyinlew máseleleri boyınsha úyreniw jumısları alıp barıldı.

Úyreniwde bólimde puqaralarǵa kórsetilip atırǵan medicinalıq xızmetlerdiń sapası, biypul beriliwi kerek bolǵan medicinalıq xızmet hám dári-dármaqlar menen támiyinlew jaǵdayı, sonday-aq, medicina mákemesinde korrupciyalıq jaǵdaylarǵa jol qoymaw boyınsha ámelge asırılıp atırǵan jumıslar kózden ótkerildi.

Deputatlar medicina xızmetkerleri menen sóylesip, tarawǵa baylanıslı bar mashqalalar hám olardı saplastırıw boyınsha usınıslardı úyrendi. Sonıń menen birge, puqaralarǵa medicinalıq xızmet kórsetiwde nızamshılıq talaplarına qatań ámel etiw, hár qanday nızamsız jaǵdaylarǵa jol qoymaw boyınsha usınıslar berildi.

Bunday úyreniwler xalıqqa kórsetilip atırǵan medicinalıq xızmetlerdiń sapası hám ashkaralıqtı támiyinlew, sonday-aq, korrupciyalıq jaǵdaylardıń aldın alıwda úlken áhmiyetke iye.