O‘rganish ishlari tashkil etildi. 

Xalq deputatlari Quva tuman Kengashi deputati F. Xashimova hamda kotibiyat bosh mutaxassisi M. To‘xtasinovlar
tomonidan tumandagi Soyguzar mahalla fuqarolar yig‘inida o‘rganish ishlari amalga
oshirildi. 

Tashrif davomida “mahalla yettiligi” tomonidan aholi bandligini ta’minlash, kam ta’minlangan oilalarni
qo‘llab-quvvatlash hamda tadbirkorlikni rivojlantirish borasida amalga oshirilayotgan
ishlar atroflicha tahlil qilindi. 

Xususan, mahallada faoliyat yuritayotgan ijtimoiy xizmat xodimi tomonidan “Ijtimoiy himoya yagona reestri”ga
kiritilgan oilalarga ko‘rsatilayotgan xizmatlar sifati, ularning muammolarini o‘z
vaqtida aniqlash va manzilli yordam ko‘rsatish holati o‘rganildi. Shuningdek, hokim
yordamchisi tomonidan aholi tomorqalaridan samarali foydalanish, qo‘shimcha daromad
manbalarini yaratish, dehqonchilik va tadbirkorlik faoliyatini kengaytirish bo‘yicha
olib borilayotgan ishlarga alohida e’tibor qaratildi. 

O‘rganish jarayonida ayrim kamchilik va muammolar ham aniqlanib, ularni bartaraf etish yuzasidan tegishli
mutasaddilarga aniq vazifa va topshiriqlar berildi.