Mahalladagi tibbiy xizmat sifati o‘rganildi

Xalq deputatlari Sherobod tumani Kengashining 18-Cho‘yinchi–Qishloqbozor saylov okrugi deputati B. Toshpo‘latov tomonidan “Qishloqbozor” mahallasi hududida joylashgan 87-Chuqrko‘l oilaviy poliklinikasiga qarashli Qishloqbozor filialiga tashrif buyurildi.

Deputat tomonidan aholiga sifatli va tezkor tibbiy xizmat ko‘rsatishni yanada yaxshilash, ayniqsa, profilaktik tadbirlarni samarali tashkil etish, erta aniqlash va kasalliklarning oldini olish borasida aniq tavsiyalar berildi. Tibbiyot xodimlariga xizmat ko‘rsatish madaniyatini oshirish, aholining tibbiy savodxonligini yuksaltirish yuzasidan ham zarur ko‘rsatmalar berildi.

Shu bilan birga, aniqlangan ayrim kamchiliklarni bartaraf etish va mavjud muammolarni hal qilish bo‘yicha tegishli mas’ullarga vazifalar belgilab berildi.