Xalq deputatlari Zarbdor tuman Kengashiga 12-Sharq yulduzi saylov okrugidan saylangan deputat M.Isroilova tomonidan “Sharq yulduzi” mahallasi hududida tumanning ijtimoiy-iqtisodiy rivojlantirish dasturi doirasida amalga oshirilayotgan 11-sonli DMTT uchun qo‘shimcha 100 o‘rinli bino qurilishi o‘rganildi.
O‘rganish jarayonida qurilish ishlarining borishi, obyektning loyiha asosida amalga oshirilayotgani hamda belgilangan muddatlarda sifatli yakunlash masalalariga alohida e’tibor qaratildi.
Ta’kidlanganidek, mazkur qo‘shimcha bino foydalanishga topshirilgach, hududdagi maktabgacha ta’lim muassasalariga bo‘lgan ehtiyojni qisman qoplash, bolalar uchun qulay va zamonaviy sharoitlar yaratish hamda ta’lim sifatini yanada oshirishga xizmat qiladi.