Xalq deputatlari Zarbdor tuman Kengashiga 9-Nurobod saylov okrugidan saylangan deputat M.Sarimova tomonidan “Nurobod” mahallasi hududida barpo etilayotgan ko‘p qavatli uylar qurilishining sifati o‘rganildi.
O‘rganish jarayonida aniqlanishicha, obyektlarda qurilish ishlari belgilangan tartibda olib borilmoqda. Xususan, binolarning fasad qismi yakunlangan, hozirda kanalizatsiya tarmoqlarini tortish ishlari davom etmoqda hamda ichki pardozlash ishlari bosqichma-bosqich olib borilmoqda.
Shuningdek, deputat tomonidan Nurobod mahallasida tashkil etilgan umumiy dam olish bog‘i holati ham o‘rganilib, aholining hordiq chiqarishi uchun yaratilgan sharoitlar ko‘zdan kechirildi.
Mazkur qurilish va obodonlashtirish ishlari hudud infratuzilmasini yaxshilash, aholiga qulay yashash sharoitlarini yaratish hamda mahallaning obod qiyofasini ta’minlashga xizmat qilishi ta’kidlandi.