Olmaliq shahrida “Yoshlarga oid davlat siyosati to‘g‘risida”gi Qonun ijrosini ta’minlash hamda mahallalarda yoshlar bilan ishlash tizimini samarali tashkil etish masalalari doimiy nazoratda.

🔍Deputat nazorati va hamkorlik

Xalq deputatlari Olmaliq shahar Kengashi deputati Sanjar Mamayusupov "Olmaliqsoy" mahallasida bo‘lib,hududdagi xususiy sport maktabida qonun ijrosi yuzasidan o‘rganish olib bordi. Mazkur jarayonda mahalla yoshlar yetakchisi bilan hamkorlikda hududdagi yoshlarning bo‘sh vaqtini mazmunli tashkil etish va ularni ommaviy sportga jalb qilish masalalari tahlil qilindi.

🏟O‘rganish davomida mahallada yangi qurilgan “Buxoro gimnaziyasi” xususiy sport maktabi faoliyati ko‘zdan kechirildi. Deputat va yoshlar yetakchisi sport maktabidagi dars o‘tish jarayonlarini bevosita kuzatib, quyidagilarga e’tibor qaratishdi:

🔹Yetakchi faoliyati: Mahalla yetakchisi tomonidan "Yoshlar daftari"ga kiritilgan va sportga qiziqishi baland yigit-qizlarni ushbu maktabga yo‘naltirish tizimi;

🔹Imkoniyatlar: Bolalar uchun yaratilgan zamonaviy sharoitlar va murabbiylarning malakasi;

🔹Natijadorlik: Sport mashg‘ulotlarining o‘sib kelayotgan yosh avlod salomatligiga ta’siri.

🔹Yosh sportchilar va murabbiylar bilan muloqot qilinib, ularning takliflari tinglandi.

"Mahalla yoshlar yetakchisi va deputat hamkorligi — yoshlarning muammolarini joyida hal etish hamda ularning iqtidorini yuzaga chiqarishda muhim bo‘g‘in hisoblanadi," — deb ta’kidlandi o‘rganish davomida.

Maqsadimiz: Har bir yoshning o‘z o‘rnini topishiga ko‘maklashish va sog‘lom turmush tarzini keng targ‘ib qilish!