Xalq deputatlari Urganch shahar Kengashi deputati X.Karimova o‘zi saylangan Saxovat mahallasi hududidagi tadbirkorlik subyektlari faoliyati bilan yaqindan tanishish maqsadida joyiga chiqib o‘rganish olib bordi. 

O‘rganish jarayonida tadbirkorlar bilan muloqot qilinib, ishlab chiqarish jarayonlari, yaratilgan ish o‘rinlari hamda faoliyat davomida uchrayotgan muammolar muhokama qilindi. Xususan, non mahsulotlari ishlab chiqarish hamda tikuvchilik yo‘nalishidagi faoliyatlar ko‘zdan kechirildi. 

Tadbirkorlar tomonidan bildirilgan taklif va murojaatlar atroflicha o‘rganilib, mavjud muammolarni bartaraf etish yuzasidan tegishli tashkilotlar bilan hamkorlikda amaliy choralar ko‘rish zarurligi ta’kidlandi.

Bu kabi joylarda o‘tkazilayotgan o‘rganishlar tadbirkorlik faoliyatini qo‘llab-quvvatlash, yangi ish o‘rinlarini yaratish hamda hudud iqtisodiy rivojiga xizmat qilishi bilan ahamiyatlidir.