Yig‘ilishda O‘zbekiston Respublikasi Prezidenti Shavkat Mirziyoyevning joriy yil 26–27-fevral kunlari Surxondaryo viloyatiga
tashrifi davomida berilgan topshiriqlar mazmun-mohiyati atroflicha muhokama qilindi. Shuningdek, “og‘ir” toifaga kiritilgan tuman va mahallalarda amalga oshirilayotgan ishlar, mavjud muammolar hamda ularni bartaraf etish yuzasidan
belgilangan ustuvor vazifalar ko‘rib chiqildi. 

Tadbir davomida mas’ul rahbarlar tomonidan amalga oshirilayotgan ishlar yuzasidan axborot berildi. Ijtimoiy-iqtisodiy
rivojlanishni jadallashtirish, aholi bandligini ta’minlash, tadbirkorlikni qo‘llab-quvvatlash, infratuzilmani yaxshilash hamda mahallalardagi muammolarni tizimli hal etish bo‘yicha aniq chora-tadbirlar belgilab olindi. 

Yig‘ilish yakunida mutasaddilarga belgilangan topshiriqlarni o‘z vaqtida va sifatli ijro etish bo‘yicha tegishli ko‘rsatmalar
berildi.