✅Xalq deputatlari viloyat Kengashining navbatdagi yigirma yettinchi sessiyasi 26-fevral kuni viloyat hokimligining majlislar zalida o‘tkazildi. 

Sessiya ishini Kengash raisi Sh.Negmatov olib bordi. Sessiya ishida bir qator masalalar ko'rib chiqildi va tegishli qarorlar qabul qilindi.

Sessiya kun tartibida quyidagi masalalar koʻrib chiqildi:

• “O‘zbekiston – 2030” strategiyasining ijrosi bo‘yicha amalga oshirilayotgan ishlar yuzasidan viloyat hokimining o‘rinbosari Z.Saidovaning hisoboti.

• Viloyat mahalliy byudjetining 2025-yil ijrosi bo‘yicha viloyat Iqtisodiyot va moliya bosh boshqarmasi boshlig‘ining birinchi o‘rinbosari B.Mirzayevning hisoboti.

• Jamoat ehtiyojlari uchun yer uchastkasini olib qo‘yish bo‘yicha taqdimot materiallarini ko‘rib chiqish va mulkdorlar bilan ochiq muhokama o‘tkazishga ruxsat berish to‘g‘risida.

• Jamoat ehtiyojlari uchun yer uchastkalarini olib qo‘yilishiga ruxsat berish to‘g‘risida.

• Qishloq xo‘jaligi vazirligi tomonidan ishlab chiqilgan “Foyda, investisiya va barqarorlik uchun agrobiznes yechimlari” loyiha konsepsiyasi to‘g‘risida.

• Samarqand viloyatida 2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlari yaratish hamda kambag‘allikni qisqartirish bo‘yicha maqsadli ko‘rsatkichlarni tasdiqlash to‘g‘risida.

• O‘zbekiston Respublikasi Prezidentining 2025-yil 21-apreldagi PF-71-sonli Farmoni ijrosini ta’minlash hamda “Samarqand hududiy elektr tarmoqlari korxonasi” aksionerlik jamiyatida korrupsiyaga qarshi kurashish borasida amalga oshirilayotgan ishlar to‘g‘risida.

• Viloyatda tanlab olingan “Og‘ir” toifadagi tumanlar va mahallalarni 2026-yilda kompleks rivojlantirish bo‘yicha manzilli dasturlarni tasdiqlash to‘g‘risida.

• “Issiqlik ta’minoti” AJ tomonidan Jahon banki bilan hamkorlikda amalga oshirilishi rejalashtirilayotgan “Samarqad viloyatida issiqlik ta’minoti tizimlarini modernizatsiya va rekonstruksiya qilish” loyiha konsepsiyasi to‘g‘risida.

• Viloyat mahalliy byudjetining qo‘shimcha manbalaridan foydalanish to‘g‘risida.

• 2026-yilda Samarqand viloyatida mahallalar infratuzilmasini rivojlantirish, tadbirkorlik muhitini yaratish va aholi daromadini oshirish maqsadida shakllantirilgan loyihalarning manzilli ro‘yxatini tasdiqlash to‘g‘risida.

• viloyatdagi shahar va tumanlarning 2026-yilda (https://kengash.gov.uz/doc/246514) ijtimoiy-iqtisodiy rivojlantirish bo‘yicha ustuvor vazifalarni amalga oshirish chora-tadbirlari to‘g‘risida

✅ @sam_vil_deputatlari