Ҳүрметли Президентимиз Ш.Мирзиёевтиң атап өткениндей, жаслар ушын жаратылған имканиятлар - бул тек ғана жеңиллик емес, бул келешекке киргизилген ең дурыс инвестиция болып есапланады.

🟢Кейинги жыллардағы нәтийжелер болса, бул сиясаттың қаншелли дурыс ҳәм узақты гөзлегенин айқын көрсетпекте. Санлар тек ғана статистика емес - олар мийнет, умтылыс ҳәм исеним жемиси болып есапланады. Жасларымыз жәҳән пән олимпиадаларында 66 алтын, 147 гүмис ҳәм 221 броньза медальын қолға киргизди. Бул - интеллектуаллық потенциалымыз дүня көлеминде тән алынып атырғанының дәлийли. Бүгинги күнде 500 ден аслам жасларымыз дүняның ең абырайлы жоқары оқыў орынларында билим алмақта.

✍️ Бул - глобаллық ҳәм стратегиялық пикирлейтуғын, халықаралық майданда биймәлел бәсекилесе алатуғын жаңа әўлад қәлиплесип атырғанын аңлатады. Инновациялық раўажланыў бағдарында да сезилерли нәтийжелер бар. 63 стартап жойбарымыз Дүня базарларына кирип барды. Бул - жасларымыз енди тек жумыс излеўши емес, ал жумыс жаратыўшы күшке айланып атырғанынан дәрек береди.

🟢Бирақ биз алдымызға және де үлкен мақсетлерди қоймақтамыз. Биз тек билимли жасларды емес, ал, - еркин пикирлейтуғын, - технологияларды жарата алатуғын, - глобал машқалаларға шешим усыныс ете алатуғын, - Ўатан мәпин ҳәмме нәрседен жоқары қоятуғын әўладты тәрбиялаўымыз керек.

Cол себепли жасларымыз:

✔️ Илимди терең ийелеўи;

✔️ Билимлендириў менен бирге әмелий кәсипке ийе болыўы;

✔️ Шет тиллерин толық үйренип, халықаралық сертификатларға ийе болыўы;

✔️ Инновациялық пикирлеўи ҳәм жаңа басламалар көрсетиўи зәрүр.

Бул процессте билимлендириў системасындағы ҳәр бир басшының жуўапкершилиги шексиз.

✨ Жергиликли кеңес депутаты ҳәм мектеп басшысы сыпатында, Президентимиз Шавкат Мирзиёев тәрепинен жаслар мәселесине қаратылып
атырған жоқары итибары ҳәм басшыларға деген исенимин терең жуўапкершилик деп билемен.

💫Бүгинги күнде жәҳән пән олимпиадаларындағы жетискенликлер, абырайлы сырт ел университетлеринде билим алып атырған жасларымыз, халықаралық базарларға шығып атырған стартаплар ҳәм спорттағы үлкен жеңислер - булардың барлығы билимлендириў системасында алып барылып атырған избе-из реформалардың нәтийжеси екенин көрсетеди. Бул нәтийжелер биз - мектеп басшыларына және де үлкен ўазыйпа жүклейди.

✨Биз тек ғана тест шеше алатуғын оқыўшыларды емес, ал еркин пикирлейтуғын, машқалаға шешим таба алатуғын, Ўатанның раўажланыўына үлес қосыўды өз алдына мақсет етип қоятуғын жасларды тәрбиялаўымыз керек.

💫Бүгинги глобалласыў дәўиринде шет тиллерин билиў, санлы көнликпелерге ийе болыў ҳәм әмелий кәсип үйрениў ҳәр бир оқыўшы ушын
зәрүрликке айланған. Сонлықтан, мектебимизде тил оқытыў сапасын арттырыў, ИТ бағдарларын кеңейтиў ҳәм кәсипке бағдарлаў жумысларын күшейтиў тийкарғы ўазыйпа болып қалады.

✨ Мен соны терең аңлайман, мектеп басшысының жуўапкершилиги - бул тек ғана ҳәкимшилик лаўазым емес. Бул - келешек ушын жуўапкершилик. Ҳәр бир питкериўшиниң тәғдири, оның өмирдеги табысы, руўхый жетиклиги белгили дәрежеде бизиң бүгинги ҳәрекетлеримизге байланыслы.

✨Сол себепли биз нәтийже ушын тиккелей жуўапкермиз. Себеби сапалы билимлендириў - күшли жәмийет, күшли экономика ҳәм күшли
мәмлекеттиң ең әҳмийетли тиреги болып есапланады.

Халық депутатлары Нөкис қалалық Кеңеси депутаты

Саипова Аклима Базарбаевна