Navbatdagi sayyor qabul Mustaqillikning 22 yilligi mahallasida bo‘lib o‘tdi

Uzun tuman hokimi, xalq deputatlari Uzun tumani Kengashining 6-Obizarang saylov okrugidan saylangan deputat Xabibulla Bozorov "Mustaqillikning 22 yilligi" mahallasida aholi bilan sayyor qabul o‘tkazdi. Qabul davomida fuqarolar tomonidan 20 dan ortiq murojaatlar bildirilgan bo‘lib, ularning aksariyati ijtimoiy-iqtisodiy masalalarga taalluqli bo‘ldi.

Xususan, yo‘llarni ta’mirlash, ichimlik suvi va elektr ta’minotini yaxshilash, ijtimoiy yordam hamda bandlik masalalari yuzasidan murojaatlar tinglandi. Hokim tomonidan mas’ullarga har bir murojaatni o‘rganib, belgilangan muddatlarda hal etish bo‘yicha topshiriqlar berildi. Sayyor qabullar aholi muammolarini joyida hal etish va fuqarolar bilan ochiq muloqotni mustahkamlashda muhim ahamiyat kasb etmoqda.