️Xalq deputatlari Chilonzor tumani Kengashi deputati Tashmuhamedova Muhabbat Baxtiyorovna tomonidan Zarqo'rg'on mahallasidagi muammo joyiga chiqib o'rganildi. Mazkur hududda daraxtlarning qurib, sinib yotgani yuzasidan murojaat kelib tushgan. Ushbu holat sanitariya va ekologik muammolarni keltirib chiqarishi mumkin.

Qayd etilishicha, yaqin atrof hududlarda obodonlashtirish ishlari amalga oshirilgan bo‘lsa-da, ushbu hudud mazkur jarayonlardan chetda qolgan.

Yuqoridagilardan kelib chiqib, mazkur masala yuzasidan deputat so‘rovi chiqarilishi, shuningdek, Ekologiya hamda Maxsustrans mas’ul tashkilotlariga rasmiy murojaat yuborilishi maqsadga muvofiq deb topildi. Hududda qurigan daraxtlarni bartaraf etish va obodonlashtirish ishlarini tashkil etish choralari ko'rilmoqda.
Hudud aholisi uchun xavfsiz va obod muhit yaratish dolzarb masala hisoblanadi.