Deputatlar tomonidan o‘rganish ishlari
olib borilmoqda

O‘zbekiston Respublikasi Prezidentining 2024-yil 23-sentabrdagi “Kambag‘allikdan
farovonlik sari” dasturini amalga oshirish bo‘yicha birinchi navbatdagi chora-tadbirlar
to‘g‘risida”gi PQ-330-son Qarori ijrosi doirasida Quva tumanida tanlangan 8 ta mahallalarda aholi tomorqa
yerlarini sug‘orishni yaxshilash tadbirlari uchun 9 (to‘qqiz) milliard so‘m mablag‘ sarflanishi, 18 ta har
birining qiymati 500 mln so‘mlik sug‘orish qudug‘i o‘rnatish
ishlarini amalga oshirilishi, buning natijasida tumandagi 3069 ta honadonning 531,7 gektar tomorqa yer maydoni suv ta’minoti yaxshilanib, tomorqadan samarali foydalanish
imkoniyati yaratilishi belgilangan.

Xalq deputatlari Quva tuman Kengashi deputatlari davlatimiz
rahbari farmoni doirasida tumandagi Ittifoq,
Sultonobod va Gulobod mahalla fuqarolar
yig‘inlari hududida "TRIUPH
BULDING" xususiy korxonasi tomonidan tik quduqlar qazish va suv chiqarish
bo‘yicha olib borilayotgan ishlar holatini o‘rgandilar.