Joriy yil 5 aprel kuni 39-Xovos saylov okrugidan viloyat Kengashi deputati, xalq deputatlari Sirdaryo viloyat Kengashi kotibiyati mudiri A.Abduraxmanov Xovos shaharchasidagi “Do‘stlik” mahallasidagi saylovchilari bilan uchrashdi. Deputat o‘tgan davrda viloyat Kengashining 11 ta sessiyasi o‘tkazilgani, 36 ta rahbarning hisoboti, 31 ta rahbarning axboroti tinglangani, 7 ta nazorat-tahlil tadbirlari o‘tkazilgani hamda sessiyada qabul qilingan ayrim qarorlar xususida batafsil axborot berdi.

 Muhtaram Prezidentimizning 2025 yil 6 martdagi Sirdaryo viloyatini yanada rivojlantirish bo‘yicha PQ-93-sonli qarorlari asosida Xovos tumaniga kiritilayotgan investision loyihalar haqida tushuncha berildi.

Shuningdek, tomorqadan samarali foydalanish, farzand tarbiyasi, yaqinlashib kelayotgan mahalla raislari sayloviga tayyorgarlik xususida fikr almashildi.