Xalq deputatlari Quva tumani Kengashining navbatdagi
yettinchi sessiyasi o‘tkazildi.  

Sessiya ishida
tuman hokimi va o‘rinbosarlari, tuman Kengashi deputatlari, kun tartibiga kiritilgan
masalalarga aloqador mansabdor shaxslar ishtirok etdilar. 

Sessiyada tumanda
yo‘llarni qurish va ta’mirlashda sifatni ta’minlash, yo‘llarni svetoforlar bilan
jihozlash, aholini toza ichimlik suvi bilan ta’minlash bo‘yicha amalga oshirilayotgan
ishlar, quyi bo‘g‘inda suv resurslarini boshqarish tizimini takomillashtirish hamda
suv resurslaridan foydalanish samaradorligini oshirish, mahalla uyushmasining mahallaning
ijtimoiy-iqtisodiy muammolarini hal yetish jamg‘armasi daromadlari va xarajatlari
ijrosi va kun tartibidagi boshqa masalalar yuzasidan mas’ullarning axborotlari tinglandi. 

Deputatlar tomonidan
berilgan savollarga mas’ullar tomonidan tegishli tartibda javob berildi. 

Kun tartibidagi
masalalar yuzasidan Kengashning tegishli qarorlari qabul qilindi.