Xalq deputatlari Chinoz tumani Kengashi 5-Paxtaobod saylov okrugidan saylangan deputat Surayyo Axmedova tomonidan Kengash ish rejasiga muvofiq tumandagi “Paxtaobod” MFYda faoliyat olib borayotgan mahalladagi soliq inspektori Islom Burxonov zimmasiga yuklatilgan vazifalarning amalga oshirilish holati o‘rganildi.

O‘rganish davomida mahallada 24 ta yuridik shaxs hamda 28 ta yakka tartibdagi tadbirkorlar faoliyati mavjudligi, shuningdek, mahalla yettiligi bilan hamkorlikda xonadonma-xonadon yurish orqali yer va mol-mulk soliqlarini undirish ishlari olib borilayotgani aniqlandi.

Shu bilan birga, mahalla hududida soliqlarni undirish va to‘lov intizomini mustahkamlash maqsadida mahalla kanallari orqali targ‘ibot-tashviqot ishlari yo‘lga qo‘yilgan. Fuqarolarga, ayniqsa pensionerlarga amaldagi qonunchilikka muvofiq mavjud soliq imtiyozlari haqida tushuntirishlar berib borilayotgani ma’lum qilindi.