Termiz shahrida mahalla boshqaruv tizimini sifat jihatidan yangi bosqichga olib chiqish, “mahalla yettiligi” faoliyatini samarali tashkil etish hamda aholi muammolarini joyida aniqlash va hal etish yuzasidan deputatlik nazorati izchil davom ettirilmoqda.

Navbatdagi nazorat-tahlil tadbiri Xalq deputatlari Termiz shahar Kengashi kotibiyati mudiri, deputat A.Ashurov, 12-“Saxovat” saylov okrugi deputati X.Jurayev hamda kotibiyat bosh mutaxassisi R.Mamashukurov ishtirokida “Saxovat” mahallasida o‘tkazildi.

Mahalla raisi ishtirokida tashkil etilgan muhokamada “mahalla yettiligi” faoliyatini samarali tashkil etish, aholi murojaatlarini manzilli o‘rganish, ijtimoiy himoyaga muhtoj oilalarni qo‘llab-quvvatlash masalalariga alohida e’tibor qaratildi.
O‘rganish ishlari mahalliy Kengash deputatlari faoliyatining “24 ta eng muhim yo‘nalish” mezonlari asosida olib borilib, PF–116-son Farmonida belgilangan vazifalarning mahalla miqyosidagi ijrosi va mas’ullarning o‘zaro hamkorligi muhokama qilindi.

Tadbir yakunida aniqlangan muammo va kamchiliklarni bartaraf etish, aholi bilan ishlash samaradorligini oshirish hamda belgilangan vazifalar ijrosini ta’minlash yuzasidan mas’ullarga tegishli tavsiyalar berildi.