Xalq deputatlari Jizzax shahar Kengashi yettinchi chaqiriq oltinchi sessiya boʻlib oʻtdi.

Sessiyaga Xalq deputatlari Jizzax shahar Kengashi raisi, shahar hokimi Komil Xolmurodov boshchilik qildi va olib bordi.

Sessiya ishida deputatlar tomonidan:

1. O‘zbekiston Respublikasi Prezidentining 2022-yil 7-martdagi “Oila va xotin-qizlarni tizimli qo‘llab-quvvatlashga doir ishlarni yana-da jadallashtirish chora-tadbirlari to‘g‘risida”gi PF-87-son Farmonining 1-sektor hududidagi ijrosi to‘g‘risida.

2. Davlat organlari va tashkilotlarining norma ijodkorligi hamda huquqni qo‘llash amaliyoti holati bo‘yicha Jizzax shahar Adliya bo‘limining 2024-yil davomidagi faoliyati yuzasidan axborotini eshitish.

3. Jizzax shahrida 2025-yilda aholi bandligini taʼminlash va kambag‘allikni qisqartirish chora-tadbirlari to‘g‘risida.

4. Jizzax shahrida Fuqarolar yig‘inlari raislari sayloviga tayyorgarlik ko‘rish hamda uni o‘tkazishga ko‘maklashish to‘g‘risida.

5. Shahar byudjetining qo‘shimcha manbalaridan foydalanish to‘g‘risida.

6. O‘zbekiston Respublikasining 2024-yil 5-avgustdagi “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida” O‘RQ-937-sonli Qonunining shahardagi ijrosi to‘g‘risida.

7. O‘zbekiston Respublikasi Oliy Majlisi Senati Kengashining mahalliy Kengashlarni kuchaytirish bo‘yicha qabul qilingan qarorlari to‘g‘risidagi masalalar koʻrib chiqildi.

Sessiya soʻngida mahalliy OAV vakillari uchun matbuot anjumani ham tashkil etildi. Jurnalistlar oʻzlarini qiziqtirgan savollarga javoblar oldi. Sessiya ishi ijtimoiy tarmoqlar orqali jonli efirga uzatildi.