Xalq deputatlari Jomboy tuman Kengashi 22-Nayman saylov okrugidan saylangan deputat Pirnazarova
Iroda Amanovna tomonidan Nayman mahallasida ijtimoiy og‘ir ahvoldagi oilalarning
muammolari o‘rganildi. O‘rganish jarayonida ko‘plab turli sohalardagi murojaatlar
aniqlandi. Aniqlangan muammolar tegishliligi yuzasidan tashkilotlarga yo‘naltirildi
va ko‘plab muammolarga joyida yechim topildi. 

Jumladan bir nafar ijtimoiy og‘ir ahvoldagi oila farzandi bog‘chaga joylashtirildi va farzandning
onasi uchun ishlash imkoniyati yaratilib ish bilan ta’minlandi. Bir nafar jigar
serrozi bilan og‘rigan bemorga davolatish uchun homiylar biriktirildi. Bir
nafar oilaning nogiron farzandi maxsus maktabga joylashtirildi. Bir nafar
qandli diabet bilan og‘rigan ayol “Ayollar daftari”ga kiritildi. 

Ushbu hayrli ishlar tumanimizning boshqa deputatlari tomonidan ham davomli tarzda amalga
oshirib kelinmoqda.