O‘zbekiston Respublikasi Oliy Majlisi Senati Kengashining 2024-yil 30-yanvardagi “Tashabbusli byudjet" jarayonlarini o‘tkazish hamda moliyalashtirish tartibi to‘g‘risidagi nizomni tasdiqlash to‘g‘risida”gi KQ-666-IV-son qarori asosida 2025-yilning 1-mavsumida Bekobod shahrida 12 ta loyiha g‘olib deb topilib, bugungi kunda Nizom asosida ishlar amalga oshirilib kelinmoqda. Xalq deputatlari shahar kengashi kotibiyati mudiri X.Ibragimova, mahalliy byudjet, tadbirkorlikni rivojlantirish va iqtisodiy islohatlar bo‘yicha doimiy komissiya raisi U.Abdunazarov tomonidan 8-sonli umumta’lim maktabida 600,0 mln.so‘mlik loyiha asosida amalga oshirilgan ishlar bilan tanishildi. Bugungi kunda loyihada ko‘rsatilgan ishlar amalga oshirilgan bo‘lib, yangi o‘quv yiliga tayyorgarlik ishlari olib borilayotganligi kuzatildi. Tahlil natijasida yuqoridagi Nizomning 70-, 72-bandlari asosida ishlarni to‘liq tashkil etish va bajarilgan ishlarni sifati va qabul qilib olish bo‘yicha tegishli tavsiyalar berildi. Shuningdek, loyihalarni shakllantirish jarayonida loyihachi tashkilot tomonidan har bir bajariladigan ish va xizmatni bevosita balans saqlovchi tashkilot bilan joyiga chiqqan holda aniq hisob-kitoblar asosida ishlab chiqilishiga alohida e’tibor qaratilishi ta’kidlandi.