Tuman kengashi deputati Jumavoy Rahmonqulov tashabbusi bilan "Navbahor" mahallasidagi “Imom Ismoil Buxoriy” jome masjidi imom-xatibi ishtirokida ma’naviy-ma’rifiy uchrashuv tashkil etildi. Tadbirda jome masjidi imom-xatibi B.Xatamboyev, mahallamizning faol nuroniylari, hoji otaxonlar hamda keng jamoatchilik vakillari ishtirok etdi.

Uchrashuv davomida Imom-xatib va nuroniylar bugungi kunda xalqimiz, ayniqsa yosh avlod oldidagi burch va mas’uliyat, milliy qadriyatlarni asrash, ma’naviy poklik, insoniylik, Vatanga sadoqat, hamda oilaviy qadriyatlarning ahamiyati xususida keng ma’ruza qildilar. Ishtirokchilar tomonidan mamlakatimizda amalga oshirilayotgan islohotlar, tinchlik va barqarorlikning qadri, yurt taraqqiyotidagi har bir fuqaroning o‘rni va mas’uliyati haqida fikr almashildi.

Tadbir yakunida faol nuroniylar tomonidan mahallamizda faoliyat yuritayotgan 32-sonli maktabgacha ta’lim muassasasiga esdalik sovg‘alari va kichik tuhfa-salomlar topshirildi. Bu kabi tashabbuslar yosh avlod tarbiyasida mehr, e’tibor va hamkorlik muhitini shakllantirishga xizmat qilishi ta’kidlandi.