Мойнақ районында Өзбекстан ХДП Мойнақ районлық Кеңеси ҳәм Халық депутатлары Мойнақ районлық Кеңесиндеги партия топары менен биргеликте аналар ҳәм балалар саламатлығын беккемлеў, ҳаял-қызлар арасында саламат турмыс тәризин үгит-нәсиятлаў, олардың медициналық мәдениятын арттырыўға қаратылған "Саламат шаңарақ - саламат жәмийет" жойбары шеңберинде әмелий илаж өткерилди.

Илажда Өзбекстан ХДП Мойнақ районлық Кеңеси баслығы А.Асенбаева ҳәм Халық депутатлары Мойнақ районлық Кеңесиниң депутаты, партия топарының басшысы У.Урынбаева, "Мойнақ поликлиника" басланғыш партия шөлкеминиң ағзалары, Мойнақ районы 27-санлы Шаңарақлық поликлиникасының жуўаплы хызметкерлери ҳәм аймақ турғынлары қатнасты.

Өткерилген әмелий илаж даўамында 50 ден аслам жаслар, ҳаял-қызлар ҳәм балалар медициналық тексериўден өткерилип, саламатлығын беккемлеў, түрли кеселликлердиң алдын алыў бойынша шыпакерлер тәрепинен тийисли усыныслар берилди. Сондай-ақ кеселлиги анықланғанга емлениў ушын жолламалар берилди.