2025-yil 23-iyun kuni Prezidentimiz tomonidan imzolangan “O‘zbekiston Respublikasida mahalliy davlat hokimiyati vakillik organlari faoliyatini 2030-yilga qadar rivojlantirish konsepsiyasi” biz – mahalliy Kengash deputatlari uchun katta mas’uliyat va shu bilan birga katta imkoniyatlar eshigini ochmoqda.

Konsepsiyada: — mahalliy budjet xarajatlarini deputatlar tashabbusi asosida shakllantirish; fuqarolar bilan ochiq muloqot tizimini yo‘lga qo‘yish; — “Kengash soati” instituti orqali ijro hokimiyati rahbarlarining hisobotlarini muntazam eshitish; — yoshlar va jamoatchilik bilan ishlashni kuchaytirish kabi dolzarb yo‘nalishlar belgilangan.

Farmonda 7 ta ustuvor yo‘nalishlar asosida mahalliy Kengashlarni rivojlantirishga oid 53 ta chora-tadbirdan iborat “Yo‘l xaritasi”ni 2030 yilga qadar amalga oshirish rejalashtirilgan.

Deputat sifatida biz xalqimiz ishonchini oqlashga va Konsepsiyada belgilangan maqsadlarni hayotga tatbiq etishga tayyormiz!