2025-yil 25-iyun kuni Oliy Majlis Qonunchilik palatasi deputati Shadiyeva Zuxra Tursunovna Sirdaryo viloyatining Boyovut tumanida bo‘lib, tuman hokimi, deputat Uralova Dilfuza Jumanovna bilan uchrashuv o‘tkazdi.

Uchrashuv davomida tumandagi qishloq xo‘jaligi yerlaridan samarali foydalanish holati, mavjud muammolar hamda ularni bartaraf etish bo‘yicha amalga oshirilayotgan ishlar muhokama qilindi. Shuningdek, qishloq xo‘jaligi sohasining barqaror rivojlanishini ta’minlashga qaratilgan istiqboldagi rejalar bilan yaqindan tanishildi.

Deputat Shadiyeva Zuxra Tursunovna joylardagi mavjud sharoit va imkoniyatlarni chuqur tahlil qilish, yer resurslaridan maqsadli va unumli foydalanishni ta’minlash hamda agrar sohada ilg‘or tajribalarni joriy etish zarurligini alohida ta’kidladi.