🏫 Mazkur maktabda eshitish, til, ko‘rish va tayanch-harakat tizimi nuqsoni bo‘lgan o‘quvchilar sog‘lom tengdoshlari bilan bir qatorda, umumta’limning tayanch o‘quv rejasi asosida tahsil olishmoqda. Ularning har biriga alohida yondashuv talab qilinadigan bu ta’lim shakli orqali farzandlar jamiyatda o‘z o‘rnini topishi, ijtimoiylashuvi va bilim olishi ta'minlanmoqda.

👩‍🏫 Ta'lim jarayonida maxsus pedagoglar doimiy ravishda ular bilan birga bo‘lib, dars davomida bevosita ko‘maklashmoqda. Bu orqali nogironligi bo‘lgan bolalarning bilim olishdagi imkoniyatlari kengaytirilmoqda, orqada qolib ketishining oldi olinmoqda.

📊 Hozirda ushbu maktabda 3 nafar o‘quvchi inklyuziv ta’limda tahsil olmoqda. Ular uchun maxsus moslashtirilgan jihozlar, qulay sinf xonalari va psixologik-pedagogik qo‘llab-quvvatlash xizmatlari mavjud.

✅ Tuman hokimi F. Ruziyev ushbu sharoitlarni yuqori baholab, inklyuziv ta’lim sohasidagi sa’y-harakatlar izchil davom ettirilishi, har bir bola – e’tiborda tamoyili asosida ishlash zarurligini ta’kidladi.

🌱 Ta’limda teng imkoniyatlar yaratish – sog‘lom jamiyat, kuchli inson kapitali va mehrli muhit poydevoridir.