Yoshlar oyligi doirasida tashkil etilgan “Yangi O‘zbekiston — yoshlar mamlakati” shiori ostidagi galakonsert dasturi mamlakatimiz yoshlari uchun chinakam bayram ruhini ulashdi. Ushbu yirik madaniy-ma’naviy tadbirda Xalq deputatlari Payariq tumani Kengashi deputatlari ham faol ishtirok etdi.

Sahnada namoyish etilgan milliy va zamonaviy kuy-qo‘shiqlar, turli yo‘nalishlardagi ijodiy chiqishlar orqali yoshlarga g‘urur, ishonch va vatanparvarlik tuyg‘ulari ulug‘landi. Ayniqsa, yoshlarning yurt ravnaqi yo‘lida o‘z salohiyatini to‘la namoyon etayotgani ko‘pchilikda chuqur taassurot qoldirdi.

Tuman deputatlarining bunday tadbirlardagi faol ishtiroki yoshlar bilan ishlash, ularning manfaatlarini himoya qilishda amaliy qadam bo‘lib xizmat qilmoqda. Bu esa yoshlarda o‘z kelajagiga bo‘lgan ishonchni yanada mustahkamlashga xizmat qiladi.