ÚSH BUWÍNLÍ USHÍRASÍW.

DEPUTAT, MÁHÁLLE JETILIGI AǴZALARÍ, SAYLAWSHÍLAR. 

Xalıq deputatları Bozataw rayonlıq Keńesi Erkindarya awıl puqaralar jıyınına saylanǵan deputatları rayondaǵı "Erkindarya" aymaǵındaǵı 7-sanlı bilim beriw mektebinde, "máhálle jetiligi" hám saylawshılar menen ushırastı. 

Ilajda deputat tárepinen elimizde nızamshılıq tarawında júz berip atırǵan ózgerisler hám jańalıqlar, qabıl etilip atırǵan nızam, párman hám qararlardıń mazmun-mánisi hám áhmieti haqqında maǵlıwmat berildi. Sonday-aq, "Kámbaǵallıqtan abadanlıqqa
qaray" baǵdarlamasın ámelge asırıwda "máhálle jetiligi" tárepinen ámelge asırılıp atırǵan jumıslar, pikir hám usınıslar tıńlandı. Ashıq hám qızǵın ruwxta ótken sóylesiwler procesinde óz mashqalasına sheshim izlep kelgen hár bir puqaranıń múrájatları
tıńlanıp, olardı unamlı sheshiw ilajları kórildi. Olardıń kópshiligi tiyisli shólkemlerdiń wákilleri menen birgelikte usı jerdiń ózinde saplastırıldı.