Халық депутатлары Шымбай районлық Кеңесине 6-санлы «Қостерек» сайлаў округинан сайланған депутат Д.Ажимуратов «Қостерек» АПЖ аймағында болып Өзбекстан Республикасы Президентиниң 2024-жыл 24-декабрь күнги «2025-2027-жылларда Өзбекстан Республикасының социаллық ҳәм ислеп шығарыў инфраструктурасын раўажландырыў илажлары ҳаққында»ғы ПҚ-454-санлы қарарына тийкар, «Қостерек» АПЖ аймағында жайласқан Шымбай районы Медицина бирлеспесине қараслы «Кеңес АПЖ аймағындағы 56-санлы Шаңарақлық поликлиникасы» Қостерек филиалында алып барылган қурылыс жумыслары менен танысты.

Илажда Халық депутатлары Шымбай районлық Кеңесиндеги партия топары ағзасы Д.Ажимуратов,  Өзбекстан ХДП Шымбай районлық Кеңеси баслығы С.Нурмамбетов, Шымбай районы Медицина бирлеспеси баслығы Х.Абдиразаков, районлық Медицина бирлеспесине қараслы Көп тармақлы поликлинка баслығы Р.Айтмуратова ҳәм де Шаңарақлық поликлиника хызметкерлери қатнасты.

Шымбай районы Медицина бирлеспесине қараслы «Кеңес АПЖ аймағындағы 56-санлы Шаңарақлық поликлиникасы» Қостерек филиалы 1992-жылы қурып питкерилген болып, жоқарыда айтип өтилген қарар тийкарында 1,2 млрд. сўм қаржы есабынан «Асад шох» ЖШЖ тәрепинен оңлаў жумыслары алып барылып, бүгинги күнде қурылыс жумыслары толық жуўмақлаған.