Yig‘ilishda davlat rahbari tomonidan belgilab berilgan ustuvor vazifalar ijrosi yuzasidan mahalliy Kengash deputatlari ham faol ishtirok etishlari zarurligi alohida ta’kidlandi.

Shu munosabat bilan, tuman Kengashi deputati sifatida Prezidentimiz rahbarligida olib borilayotgan islohotlarni to‘liq qo‘llab-quvvatlayman. Aholi muammolarini joylarda o‘rganish, ularga amaldagi qonunchilik va davlat dasturlari asosida yechim topish, xalqning ishonchini oqlash – bugun deputatlar oldida turgan eng muhim vazifadir.

Yig‘ilishda belgilab berilgan topshiriqlar asosida mahalladagi dolzarb masalalarni o‘rganib, mutasaddi tashkilotlar bilan hamkorlikda aniq chora-tadbirlar belgilanadi. Xususan, ijtimoiy sohani rivojlantirish, infratuzilmani yaxshilash, yoshlar va ayollar bandligini ta’minlash masalalari doimiy diqqat markazimizda bo‘ladi.

Prezidentimiz tashabbuslari bilan boshlangan keng ko‘lamli islohotlar xalq farovonligi va davlat taraqqiyotiga xizmat qilmoqda. Biz, mahalliy Kengash deputatlari esa, bu jarayonda xalq va hokimiyat o‘rtasidagi mustahkam ko‘prik bo‘lib xizmat qilishga tayyormiz.

Olimjon Isoqov,

Xalq deputatlari Chinoz tumani Kengashi deputati