Ózbekstan XDP Shomanay rayonlıq Keńesi tárepinen “Deputat hám Jaslar” ushırasıwı ótkerildi.  

 Ózbekstan Xalıq Demokratiyalıq partiyası Shomanay rayonlıq Keńesi hám Xalıq Deputatları Shomanay rayonlıq Keńesindegi deputatlar toparı aǵzaları tárepinen rayon orayındaǵı 1-sanlı mektepte “Nawrız” hám “Tazabazar” MPJ aymaǵında jasawshı jaslar menen «Deputat hám Jaslar» atamasındaǵı ushırasıw bolıp ótti. Bunday ilajlardı ótkeriwdegi maqset jaslarımızdıń keleshekke bolǵan isenimin arttırıw, oqıwların dawam ettirip, belgili kásip iyesi bolıp elimizdiń rawajlanıwına xızmet etetuǵın jaslar bolıp jetisiwin qollap-kuwatlaw bolıp tabıladı. 

 Ushırasıwǵa mekteptiń bıyılǵı jılı pitkeriwshi jasları hám partiyanıń “Jaslar qanatı” aǵzaları qatnastı.  

 Ushırasıw basında Ózbekstan Xalıq Demokratiyalıq partiyası Shomanay rayonlıq Keńesi baslıǵı B.Sagatov elimizde jaslarǵa jaratılıp atırǵan sharayatlar, múmkinshilikler hám jeńillikler, jaslar ushın oqıwǵa hám jumıs islewge keń imkaniyatlar jaratılǵanlıǵı haqqında aytıp ótti. Partiyanıń maqset hám wazıypaları haqqında da keńnen túsinikler berildi. Iláj dawamında bir qatar jaslar sózge shıǵıp óz pikir hám usınısların bildirdi. Ushırasıw sońında jaslar ózlerin qızıqtırǵan sorawların deputatlarǵa berip tiyisli juwaplar aldı. 

Ózbekstan XDP Shomanay rayonlıq Keńesi baslıǵı:- B.Sagatov